UN’ETÀ CERTA (vinile)
Peppe Barra

Passa ‘na vita, ne passano doje e ‘ Vico Vasto nun m”o scordo maje. Nce steva

‘o guappo, o Capintesta… e Paziella ca venneva ‘e pazzielle. ‘O figlio d”a Madonna, Recchie ‘e Nailòn, Nucchettella, ‘a Nevaiola, Culanterra, o Pazzo,

‘ Chiattochiatto. Chillo ca venneva ‘e lupine se chiammava Pesiello. Pesiello, seggia ‘n mano e sbarra e fierro, faceva ‘a guerra a Pascale ‘o Bello. ‘A cchiù piccerella d’ ‘e tre vicchiarelle durmeva dint’ a ‘na cunnulella. E mammà cantava, dint”a casa, cantava… Mezz’ annura, na guagliona sotto ‘o sole s’asciuttava ‘e capille… e mammà cantava, dint’ ‘a casa, cantava.. cantava…

Diceva ‘a nonna chesta è ‘a vita, a vita è chesta: n’affaciata ‘e fenesta. Na voce! Che d’è? E’ na voce? …è ‘a voce d”e guarattelle: Pulecenella, ‘o Diavulone,

‘a Morte, a Guardia, Culumbrina, 2o Boia… Tucchete, tucchete… tuculiavano e cape. Tucchete, tucchete, tucchete, tucchete… Fernuta ‘a festa, ‘o viecchio d’e guaratelle se ne jeva, ‘ncopp’ e spalle, tutto ‘nu triatro… E io ‘o guardavo e sunnavo…

Tucchete… tucchete… tucchete… Me jucavo ‘o cerviello! E sunnànno pensavo: tucchete… tucchete… tucchete… tucchete… Vulesse addeventà … na guarattella!